8 работи кои општеството ги претставува како нормални, а се штетни (ги правиме и во Македонија)

Oд родители кои вршат преголем притисок децата да им бидат успешни во сè до промовирање на работењето до степен на исцрпеност и запоставување на семејството... Кои работи не треба да ги нормализираме денес, а го правиме тоа?

Како да станавме опседнати со пари, работа, успех и заборавивме да уживаме во животот?

Во општеството како нормални ни се презентираат работи, кои всушност не се здрави за нас.

Се согласувате ли?

Работи кои денес општеството ги претставува како нормални, а се штетни:

Родители кои ги запишуваат своите деца на сите можни дополнителни часови (од спорт до музика, балет и јазици) и не им дозволуваат на децата да живеат и да бидат деца.

Навистина децата нема потреба цел ден да се зафатени со нешто. Ним им е потребен и одмор. Во ред е да ги држите активни и да им ја будите желбата за истражување, но не е во ред притисокот дека мора да бидат најдобри во сè.

Притисокот дека мора да се работи до исцрпување.

Потсетете се самите себеси, но и тие околу вас дека работите за да живеете, а не живеете за да работите. Нема потреба да ѝ станеме робови на работата, животот е и за уживање.

Притисок за младешки изглед.

Насекаде како да има потсетници кои прават да се чувствувате лошо затоа што на 40 години не можете да изгледате како кога сте имале 20. Од операции за слабеење до тајни за младешки изглед, се претерува, зарем не?

Изедначување на парите со почитта.

Само затоа што некој нема пари, не значи дека не заслужува почит како и секое човечко суштество.

Недостиг на сон.

„Спијам само 4 навечер и успевам да функционирам“. Не, ова не е здраво. Не заслужува пофалба. Штетно е.

Промовирање токсична продуктивност.

Ова особено го прават инфлуенсерите кои промовираат дека работат 25 часа на ден, секој ден, а денот го започнуваат со 1-часовна рутина за нега на лице.

Свршеничкиот прстен треба да биде со вистински и огромен дијамант.

Не, тој може да биде и со обично камче или наследен од баба, но треба да е даден со љубов од сè срце и само тоа е важно.

Борба само на социјалните мрежи.

Во ред е да ставите статус на Фејсбук дека сте иритирани од загадениот воздух, но не е во ред ако останете само на тоа и не преземете некаква акција или иницијатива на дело.

С. С. | Црнобело