Луѓе откриваат зошто нагло се здебелиле – и не е само поради лоша исхрана

„Кога ми се појавија проблемите со тироидната жлезда, се здебелив 13 килограми за само 30 дена“.

Точно е дека лошата исхрана со многу масти и „празни“ калории ќе доведе до дебелеење.

Но, лошите навики за јадење некогаш потекнуваат и од некој друг проблем.

Доста често причината за дебелеење се неколку фактори и во ваквите ситуации можно е промената во исхраната да не биде доволна за ослободување од вишокот килограми.

На Редит, неколку корисници споделуваат зошто нагло се здебелиле:

„Кога ми се појавија проблемите со тироидната жлезда, се здебелив 13 килограми за само 30 дена“.

„Менопауза. Качив 12 килограми за помалку од шест месеци.

Не направив промени во исхраната или физичката активност, а не можев да ослабам кога го намалив бројот на калории (1.200 дневно) и почнав да вежбам поинтензивно“.

„Мајка ми имаше сообраќајка, не по нејзина вина. Морав да се откажам од мојот живот за да се грижам за неа.

Добив депресија бидејќи работев само од дома, а и се грижев за мајка ми – ја бањав, ѝ готвев, ја носев на прегледи, покривав трошоци…

Чувствата ми се измешани, секако дека се грижев за неа, но не можев да направам ништо друго. Почина три години по несреќата. Се здебелив поради стресот од целата ситуација“.

„Си купив автомобил. Претходно пешачев и користев велосипед и не сум имал проблеми со тежината. Но, откако се навикнав на автомобил, тешко ми е да се откажам од него“.

„Почнав да работам ноќна смена. Немав од каде да купувам поздрави оброци, а и намалив со физичката активност“.

„Бременост и доење. Многу луѓе ми кажуваа дека ќе ослабам во текот на доењето, но ова не беше точно. Поради доењето јадев повеќе, а и не спиев доволно, па се здебелив“.

„Почнав врска со маж кој е одличен готвач“.

„Го изгубив видот. Не беше лесно што ја изгубив независноста и се претворив во личност која бара утеха во храна“.

„Добив отказ од работа, а поради тоа и депресија. За две години качив можеби 30 килограми, не можев да се препознаам.

Но, оттогаш си го променив животот и успеав да ослабам 17 килограми“.

Спирова С. | Црнобело