Поправен дом во САД како од хорор-филм: Децата биле мачени и убивани, властите не сакале да го затворат до 2011-та

Јавноста и надлежните повеќе се заинтересирале за тортурата во домот кон крајот на 21-ви век.

Тогаш, група мажи кои биле затворени во домот во 1950-тите и 1960-тите со американските медиуми почнале да ги споделуваат своите искуства.

Според нив, камшикувањето било честа казна, а чуварите кои ги казнувале користеле долг кожен ремен на кој имало метални нитни.

Раните што ги добивале од камшикувањето биле ужасни.

Еден од мажите изјавил дека еднаш добил 250 удари со камшик, додека друг изјавил дека честопати децата биле камшикувани додека не изгубат свест.

Оние кои плачеле, пак, добивале уште посурови казни.

Некои велат дека имало и „соба за силување“, каде што чуварите сексуално ги малтретирале децата.

Во 2010 година, групата мажи поднела тужба против надлежните во Флорида, а истата година биле откриени и наодите од истрагата.

Иако дотогаш биле направени бројни истраги кои ги потврдувале изјавите на жртвите, училиштето никако не го затворале.

Дури во 2011-та, најмногу поради притисок од јавноста, училиштето конечно било затворено.

Во 2017 година, државата Флорида официјално им се извини на жртвите и нивните семејства, а следната година им исплати и одредена сума пари.

Во меѓувреме, беа откриени десетици необележани гробови на деца.

Дополнителна истрага покажала дека над 100 смртни случаи воопшто не биле заведени или биле прикриени.

Севкупно, во 100-те години колку што бил отворен свирепиот дом, можеби илјадници деца трпеле физичка и психичка тортура.

И, некои од нив воопшто немале можност да се вратат дома.

Спирова С. | Црнобело