Луѓе откриваат со кои неочекувани последици (и придобивки) се соочиле откако ослабеле

„Мене лично ми се јавија несигурности за други работи. Кога бев поголема, бев несигурна за килажата. Откако ослабев, почнав да се грижам за градите, рацете, грбот, формата на лицето, дланките...“

Кога некој ќе се ослободи од вишокот килограми, не му се менува само изгледот, туку и многу аспекти од животот.

На социјалната мрежа Threads, неколку луѓе споделуваат со кои неочекувани промени се соочиле откако ослабеле.

Некои се однесуваат на нивното тело и нивниот начин на размислување, но некои и на односот што го добивале од другите.

Дел од одговорите во продолжение:

„Сфатив колку се плитки луѓето (и дека им е важен само изгледот)“.

„Мене лично ми се јавија несигурности за други работи. Кога бев поголема, бев несигурна за килажата. Откако ослабев, почнав да се грижам за градите, рацете, грбот, формата на лицето, дланките… Како да бев опседната со изгледот на секој дел од телото“.

„Сега постојано ми студи“.

„За жал, лицето ми изгледа постаро“.

„Ослабев додека одев во средно и момчињата кои ме малтретираа, одеднаш почнаа да се однесуваат добро со мене“.

„Луѓето си даваат повеќе слобода да ми го коментираат телото“.

„Храната што ја сакав претходно сега ми е многу солена или многу блага. На почетокот и фрлав многу храна бидејќи се заситував од помали порции, но од навика готвев поголема количина“.

„Некои луѓе почнаа да ме прашуваат дали користам дрога“.

„Желудникот веќе не ми толерира голем дел од храната што ми беше омилена“.

„Се соочив со нови злобни коментари – имаше некои љубоморни луѓе кои ми велеа дека сум слабеела премногу или дека сигурно сум имала проблем со здравјето“.

„Ми се зголеми желбата за секс“.

„Требаше да купувам нова облека и потрошив премногу пари за тоа“.

Спирова С. | Црнобело