Поради деформитет имал само 2 прста на дланките, го убил свршеникот на ќерка му: Мрачната приказна за „момчето јастог“

Грејди Стајлс се родил со редок деформитет поради што му недостасувале трите средни прста на двете дланки. Го нарекувале „момчето јастог“ и бил ѕвезда во циркуски „шоуа за чудаци“. Но, Грејди бил и насилен – свирепо ја малтретирал сопругата, а го убил и свршеникот на неговата ќерка.

Во минатото, најпопуларните циркуски точки биле таканаречените „шоуа за чудаци“.

Ѕвездите на овие шоуа биле луѓе со разни физички деформитети кои им биле вродени или ги стекнале подоцна во животот.

Дел од вакво шоу бил и Грејди Стајлс кој бил познат како „момчето јастог“.

Со генерации, во семејството Стајлс се раѓале деца со ектродактилија – вродена мана на дланката и раката поради која има недостаток на неколку прсти.

И Грејди се родил со овој деформитет, поради што ги немал трите средни прста на дланките.

Семејството Стајлс го користело деформитетот како можност за заработка, па уште во 1800-тите, оние кои биле родени со маната биле дел од циркуски шоуа.

Во раниот 20-ти век, тие биле познати како „семејството јастози“ и биле меѓу најпопуларните циркусанти.

И Грејди продолжил со истата професија, но ќе остане запомнет насилник и убиец.

Детали за животот на Грејди Стајлс:

Грејди бил роден во јуни 1937 година и дотогаш неговиот татко веќе бил познат по шоуата за чудаци.

За разлика од неговите браќа и сестри, деформитетот на Грејди бил многу посериозен – покрај дланките, тој имал деформитет и на стапалата поради што не можел да оди.

Најчесто користел инвалидска количка, но некогаш се движел и со помош на рацете, влечејќи си го телото по земја.

Поради ова, Грејди имал импресивна физичка сила, нешто што ќе му помогне во насилството што ќе го врши подоцна.

Како и многу циркуски артисти, Грејди и семејството патувале низ САД и заработувале мошне добро.

Грејди пораснал опкружен со други артисти, а кога бил млад, се вљубил во девојка која работела во циркус – Марија (или според некои извори Мери).

Љубовта била обострана, па Грејди и Марија се венчале и добиле две деца.

Како што децата растеле, Грејди почнал да пие и станал насилен кон сопругата и децата.

Но, семејното насилство не било најголемото зло на Грејди.

Продолжува на следната страница...