Строгите правила што мора да ги следат членовите на кралското семејство кои сакаат да се разведат

Ако разводот се смета за нешто лошо и срамно, за британското кралско семејство е уште посрамно некој да се венча по развод или да стапи во брак со разведена личност. Поради ова, Елизабета ѝ забранила на својата сестра да се венча со мажот што го сака, а кој за себе имал развод.

Сè до разделбата на кралот Чарлс и Дијана, разводите во британското кралско семејство биле табу-тема.

Престолонаследниците не смееле ни да се венчаат со разведен партнер – таткото на кралицата Елизабета станал крал само затоа што брат му Едвард се откажал од тронот бидејќи сакал да се венча со разведена жена.

Иако денес ситуацијата е променета, кога е во прашање развод, членовите на британското кралско семејство сепак мораат да следат некои правила.

Дел од нив во продолжение:

Нивните поранешни сопружници можат да ги задржат титулите, но сè додека не се венчаат со некој друг

Кога се венча со Чарлс, Дијана ја доби титулата „нејзиното височество, принцезата од Велс“.

По разводот, Дијана ја задржа титулата „принцезата од Велс“, но веќе никој не смееше да ѝ се обраќа со „нејзино височество“.

Доколку Дијана стапеше во брак со друг маж, тогаш ќе ја изгубеше и титулата „принцеза“.

Поранешните сопружници може да добијат многу, но и ништо

Кралот (или кралицата) одлучува што ќе добие личноста што се разведува од кралското семејство.

На пример, Дијана доби огромна сума пари, но и право да го задржи нејзиниот апартман во Кенсингтонската палата.

Кралицата ѝ дозволила и да користи други ресурси на семејството, како нивните приватни авиони.

Од друга страна, кога сестрата на Чарлс, принцезата Ен, се разведе, кралицата го избрка нејзиниот поранешен сопруг од палатата.

Единствено доби право да ги посетува децата, но само ако Ен го сака тоа.

Кралот не може да забрани развод

Порано монархот имал апсолутна моќ над љубовните животи на членовите на кралското семејство.

Но, кралицата Елизабета, а сега и кралот Чарлс, не можат да му забранат на некој да се разведе.

Мораат да го најават разводот

Разводот се гледа како скандал за кралското семејство, па затоа има цела стратегија за тоа како ќе се извести јавноста.

Со најавувањето на разводот, кралското семејство сака да го контролира наративот и да избегне шпекулации и озборувања.

Притоа, за највисоко рангираните членови на кралското семејство, разводите ги најавуваат луѓе со моќни функции.

Разводот на Чарлс и Дијана го најави тогашниот премиер.

Продолжува на следната страница...