Проклетството на Британец што освоил 170 милиони евра на лото: Развод, сообраќајка и пропаднати бизниси

Во 2012-та, животот Британецот Адријан Бејфорд драстично се променил откако освоил 170 милион евра на лото. Но, она што другите го гледале како благослов, за него било клетва – по само 15 месеци се развел од сопругата, имал три пропаднати свршувачки, но и бројни неуспешни бизниси.

За многу луѓе, добивката на лото, особено кога се во прашање милиони, значи решение на многу проблеми.

И, некои луѓе навистина прават пресврт во нивните животи штом ќе добијат поголема сума.

Но, од друга страна, некои луѓе се чувствуваат како да биле проколнати поради огромната добивка и некогаш посакуваат воопшто да не ги освоиле парите..

Ваква е ситуацијата со Адријан Бејфорд кој по добивката можеби немал финансиски проблеми, но затоа, пак, се соочил со пречки во секој друг аспект од животот.

Во 2012 година, Адријан работел како поштар, а имал и своја мала продавница. Неговата сопруга Гилијан, пак, работела како хигиеничарка во болница.

Како и секој што игра лото, Адријан не очекувал дека ќе дојде денот кога тој ќе биде играчот на кој ќе му завидуваат сите – со сопругата освоиле џекпот од други 148 милиони фунти (околу 170 милиони евра).

Со овие пари и двајцата можеле да се пензионираат, но и да се осигурат дека следните генерации од нивното семејство ќе имаат удобен живот.

Штом дознале за добивката, со децата прославиле во пицерија и се договориле дека првото нешто што ќе го купат ќе биде автомобил Audi Q7 за Гилијан.

Но, среќата не траела долго и како што открива пријател на Адријан:

„Знаеме дека потајно, Адријан посакува никогаш да не ги добиеше парите“.

Па, што се случило?

Само 15 месеци подоцна, Адријан и Гилијан се развеле, а одлучиле добивката да ја поделат еднакво.

И двајцата се соочувале со гласини за неверство, а големиот притисок од парите, но и новостекнатата слава, постепено им го уништил бракот.

Иако двајцата негираа дека имале афери, не чекаа долго за да најдат нови партнери.

Гилијан се вратила во родната Шкотска каде што се свршила со друг маж.

Адријан, пак, се свршил со друга жена, иако оваа врска не траела долго.

Желен за љубов, набрзо потоа Адријан запознал друга жена – почнале врска и по шест недели заедно, ја запросил додека биле на луксузно патување на Малдиви.

Продолжува на следната страница...