„Поминав цела деценија во заробеништво, на 10 минути од дома – на 14 години ме киднапира маж кој мислев дека ме сака“

На 14-годишна возраст, Тања Кач минувала низ тежок период поради разводот на родителите. Па, кога 38-годишниот чувар од нејзиното училиште почнал да разговара со неа, се чувствувала слушнато и посебно. Но, токму тој бил одговорен за тортурата што следела за тинејџерката. Сега таа ја споделува својата приказна за да ја зголеми свесноста кај родителите за опасноста од предатори кои на мета имаат деца и тинејџери.

Пред повеќе од три децении, кога имала само 14 години, Тања Кач била киднапирана.

Наредните десет години ги поминала во заробеништво, во куќа која се наоѓала на едвај 3 километри од нејзиниот дом.

Додека нејзините родители очајно ја барале, Тања била заробена од маж кој ја малтретирал и силувал, а за кој претходно мислела дека ја сака.

Била спасена од полицијата на 24-годишна возраст и иако уште се справува со психолошките последици од тортурата, сега, на 44 години, ја споделува својата приказна.

Тања и претходно има зборувано за нејзиното страшно искуство и се надева дека ова ќе ги натера девојките да бидат повнимателни и да не им веруваат на мажи кои се многу повозрасни од нив.

Исто така, се надева и дека родителите ќе станат посвесни за овој проблем и ќе можат да препознаат ако некој возрасен им прави „груминг“ на нивните деца со цел да ги злоупотреби.

Напаѓачот на Тања бил тогаш 38-годишниот Томас Хоуз кој работел како чувар во нејзиното училиште.

Во период кога нејзините родители се разведувале, а таа немала пријатели, била среќна што мажот почнал да разговара со неа и што некој ѝ обрнувал внимание.

„Тоа што имаше 38 години тогаш правеше да се чувствувам посебно“, раскажува Тања.

Вели дека почнала да го гледа мажот како пријател, му се доверувала, па тој почнал да ја убедува да се пресели кај него за да има „подобар живот“.

„Бев убедена дека ми нуди бајка“, се присетува Тања.

Па, во февруари 1996 година се согласила да оди кај него на гости, на неколку денови.

Тој живеел со неговите родители, кои биле болни и не станувале од кревет, на едвај три километри од домот на Тања.

„Влегов во куќата и отидов во неговата спална. Знаев дека неговите родители не знаат за нас, а бев убедена дека ме сака“.

Тања открива дека поминала цела недела во неговиот дом, пред неговото однесување драстично да се промени.

„Ме натера да пијам алкохол, а потоа ме силуваше. Бев во шок, преплашена. Мажот што мислев дека го познавам се претвори во насилник. Веднаш ми стана јасно дека сум во опасност“.

Силувачот почнал да ѝ се заканува дека ќе ја убие ако побегне и ѝ рекол дека таа е кај него за да го задоволува.

„Овие зборови ќе ме прогонуваат засекогаш. Стравот што го чувствував ме парализираше.

Секојпат кога му велев дека сакам да си одам дома, ме напаѓаше. Се чувствував многу осамено и исплашено, а најлошо е што се обвинував себеси“.

Тања вели дека често била напаѓана, постојано имала модринки и живеела во мизерни услови.

Продолжува на следната страница...