Создадено за кампери!

BioLite CampStove е компактна печка за кампување која е уникатна по тоа што работи само на гранчиња (нема ќумур или слично) и истовремено може да ви го полни вашиот смартфон или mp3 плеер преку нејзиниот USB порт.

Колку и да звучи неверојатно, BioLite CampStove е токму такво нешто и работи на следниот начин: Во самата печка има вентилатор кој овозможува проток на кислород за хипер- ефикасниот оган. Овој фен истовремено ја полни и батеријата од топлината на самиот оган. Со други зборови, BioLite е целосно самоодржувачки систем.

Бидејќи внатрешниот оган е толку ефикасен, сè што ви треба за да зовриете вода или обичен оброк се само неколку гранки и по некоја шишарка – нешто што кај нас го има во изобилство независно каде и да сте во природа.

BioLite CampStove е доста ефикасен и за полнење на некој уред во вистинска смисла на зборот. Може нема да полни телефонот со брзина како кога би го вклучите во ѕиден штекер, туку како ако полните од лаптоп – значи не премногу бавно.

Како би ни се нашло едно вакво чудо и кај нас, нели?