Уредување на двособен стан – удобен и релаксирачки амбиент

Ако сте на пат да го реновирате или уредувате вашиот дом, сигурни сме дека идеи ви се добредојдени. Денес одбравме уште еден стан од портфолиото на Биро Проект.

Станува збор за двособен стан во Кисела Вода, уреден умерено елегантно, во комбинација со свежи и земјени бои.

Мебелот во кујната и дневната соба е изработен од иверка во бела и графитна боја со текстура како текстилна обработка, а столбовите во просторот се потенцирани со тула во црна боја. Главниот ѕид во дневната соба е разигран со апликација на силуета на музичар.

Ходникот е уреден со истиот избор на иверки, надополнет со полица од црвен фарбан медијапан која навлегува во делот на огледалото.

Во спалната соба применет е контраст на темна и светла боја.

Колоритноста на ѕидовите додава чувство на удобен и релаксирачки амбиент.

Повеќе информации може да најдете на www.biroproekt.mk или на Фејсбук страната https://www.facebook.com/biroproekt