Македонско запросување среде Њујорк (видео)

Нашиот топ модел, Мис Македонија и претставничка на избор Мис Свет во Кина во 2010 година Елена Смилевска, и пејачот Дејан Донев скокнаа во тавче и го кажаа судбоносното ДА во Неделата на 28 октомври кога Дејан на прекрасен, уникатен и романтичен начин ја побара раката на Елена.

Двојката веќе подолго време живее во Њујорк, па токму таму и се случило запросувањето.

Имено Дејан за 5 минути го закупил најпознатиот рекламен простор во светот, во центарот на Њујорк на Тајмс Сквер, приготвил слајд шоу со кое што ја изразува својата љубов и кое се појавило на рекламниот простор точно во 20ч и 30 мин.

Целото запросување е уште поинтересно ако се земе фактот дека Дејан цел месец го планирал романтичниот подвиг за кој што морал да потпише договор и да ја испланира секоја минута од нивната вечерна прошетка низ Њујорк.

Земете предвид дека на 28ми октомври низ Америка помина Ураганот Сенди кој што како што знаеме нанесе милионски штети низ источниот брег на Америка, а најпогодени беа Њујорк и Њу Џерси кои што во одредени делови се уште немаат струја. 

Во продолжение можете да го погледнете овој романтичен подвиг:

{youtube}3bMmqahCevs{/youtube}