Домовите на светските модни дизајнери

Сте се запрашале како изгледаат отмените, луксузни приватни палати на луѓето со префинет вкус? Токму ова се едни од најпознатите...

Визијата на Џорџо Армани е сместена во двоспратна селска куќарка која се наоѓа во Италија. Темелно е реновирана пред 20 години и одлучено и да не и се менува стилот во кој е првобитно изградена. Дневната соба се наоѓа во еден поромантичен дел, во чиј спој влегува огромен камин. Белите панели на ѕидовите и плафонот му даваат поморски шмек на домот. Куќата за прв пат е прикажана во мај 1983тата година во магазинот “Architectural Digest” каде што Армани објаснил дека тоа е куќа идеална за едноставен, опуштен одмор со пријателите.

„Тоа е комбинација на ловечки дом и луксузна палата“ изјавил Ралф Лорен за куќата која ја дели со својата сопруга Рики, во Њујорк. Старата камена палата датира од 1919 година.

Најголем дел од неговите резиденции се наоѓаат на романтични локации, исто како и париската резиденција. Ив Сен Лорен изјавил „Иако никогаш нема да престанам да работам каде и да отидам, сепак овде сум најсреќен“. Најстари парчиња во овој дом се огледалото од 18 век, гоблените и лустерот на Луј XV.

Рандолф Дјук својот модерен дом го издигнал токму во Лос Анџелес, за кој биле задолжени двајца доста познати архитекти. Овој оригинален дом се протега на две нивоа. Во склад со современата модерната естетика, Дјук избрал мешавина на рустични и модерни парчиња мебел.

„Куќата сама по себе и не е толку важна, колку што работите ја неа, колку што и вдахнувате живот“, изјавува Донатела Версаче која е водечки дизајнер во истоимената модна куќа. Нејзиниот стан е дизајниран од страна на Луџи Скаљоти кој му дава огромна важност на неокласицизмот.

Модната дизајнерка Дона Каран соработувала со својот сопруг во проектирањето на нивниот дом во Ист Хемптон. „Све што купувам е во текстури“, изјавила Дона Каран која себеси се опишува како внимателен купувач за било кое парче од ентериерот, кој најчесто е инспириран од сопствените дизајни. Позлатените огледала датираат од 19 век, додека чипката и платното се задолжителен детал кога станува збор за мебелот.