Домашни мусли плочки

Состојките на домашните мусли плочки можеме да ги креираме по желба и да ставиме се што сакаме – разни житарици, корнфлекс, суви брусници, смокви, кајсии, сливи, грозје, сушен кокос, ореви, `фстаци, мед...

Еве една од бројните варијанти за подготовка на здрави домашни мусли.

Состојки:

• 140g грубо сечкани житарици (пр. овесни снегулки)
• 30g корнфлекс
• 60g пржени бадеми и лешници 
• 15g пченично брашно
• 50g мед
• 60g суво овошје или состојки по желба
• 1/4 лажичка сол и кафен шеќер
• 2 белки
  
  

Подготовка:

Загрејте ја рерната на 150°C. Тепсијата за печење прекријте ја со фолија, премачкајте ја со масло и посипете ја со брашно. Во еден сад измешајте ги сите состојки, а во друг сад измиксирајте ги белките со кафениот шеќер и солта. Потоа спојте ги содржините од двата сада и распоредете ја содржината на тепсијата за печење. Печете четириесетина минути, оставете да се излади и исечете на плочки.

Добар апетит!