Откријте каде може да го вкусите најубавиот сладолед во светот

Сладоледот е едно од омилените слатки задоволство кои ги обожуваме. Го има во најразлични вкусови, видови и бои насекаде низ светот.

Но, има некои места и градови каде има сладолед што не може да се проба на ниедно друго место. Сите можеби се слични, но има неколку што се навистина најдобри.

Во познатата слаткарница „Perche No!“ во Via dei Tavolini во Фиренца, Италија може да уживате во највкусниот сладолед на светот, потврдува магазинот National Geofraphic.

Слаткарницата се наоѓа на само две минути оддалеченост од познатата катедрала, а прогласена е за најдобра, токму од овој магазин.

Уште од 1939 година „Perche No“ продава сладолед со интензивен вкус кој секојдневно се подготвува во оваа слаткарница.

Омилениот вкус на сите е комбинацијата од мед и сезамово семе, зелен чај и кафе со парчиња чоколадо.

„Vaffelbageriet“, Копенхаген, Данска

Во забавниот парк „Тиволи“ специјалитет е сладоледот послужен во корнет од вафла наречен „американер“. Собира до четири кугли на кои се додава прелив, изматена павлака и други прилози.

 
„Ice Cream City“, Токио, Јапонија

„Ice Cream City“ е место каде што може да пробате најчудни сладоледи во светот. Вкусовите на пилешко во соја, корен од орхидеја, морска сол или јагула се само некои од најнеобичните идеи и вкусови за сладолед.

„Capogiro Gelato“, Филаделфија, САД

Покрај специјалитетите како мадагаскарска бурбон ванила, мелограно (шипка), nocciola Piemonte (лешник), саигонски цимет, тајландско коксово млеко со малку рум и zucca (тиква), Capogiro се смета за најдобра слаткарница во Америка.