Како да ја спасите облеката која ви се собрала при перењето?

Сигурно ви се случило да ставите во машината за перење  облека со една големина, а да извадите сосем друга. Само ако наместите погрешна температура, облеката може да им одговара само на вашите кукли.

Но, пред да помислите да ја фрлите, добро е да ги знаете  чекорите од постапката  со која може да ја спасите.

1. Во еден сад сипете топла вода и во неа додадете еден филџан бебешки шампон.

2. Смалената облека ставете ја да отстои во таа вода, а повремено нежно протривајте ја за да се опушти материјалот.

3. По половина час извадете ја облеката од вода, но без да ја цедите со извртување, туку само благо стиснете ја за да излезе вишокот вода.

4. На рамна површина раширете еден пешкир и на него ставете ја облеката, па замотајте го пешкирот за да впие повеќе вода.

5. Оставете ја така завиткана да отстои околу 20 минути, а потоа одмотајте го пешкирот.

6. Раширете нов, сув пешкир и во него нежно истегнете ја облеката до каде што можете.

7. Оставете ја облеката да се исуши на пешкирот.

8. Доколку не сте задоволни од резултатот, повторете ја постапката.