Како да ги перете џемперите за да не се растегнат?

Волнените џемпери имаат незгодна карактеристика - или се собираат или се растегнуваат ако не ги перете внимателно.

Затоа што сезоната на џемпери пристигна побрзо од очекуваното, сега е идеално време да научите како да ги негувате.

Наполнете еден леген со студена вода и сапун или благ шампон и во него потопете го џемперот. Оставете го целосно да се намокри и внимателно измијте го со рацете.

Натопениот џемпер исплакнете го со чиста вода, додека пената целосно не се извади. Плакнете го во нова, сменета вода, повторно во леген.

По перењето никако не смеете да го вртите и притискате џемперот за да го исцедите. Доволно е нежно да го притиснете од рабовите на легенот, за да не ја оштетите структурата на влакната.

Ако имате машина за сушење, најдобро е да ја искористите. Ако не, џемперот замотајте го во пешкир кој ќе ја впие водата, а потоа неколку минути сушете го со фен.

Последен чекор е сушењето на закачалка, но за да стигнете до овој чекор неопходно е водата да не натежнува на краевите од ткаенината.