Не се нервирајте, реагирајте!

Постојано се нервираме за непотребни ситници, банални работи, разговори, различни мислења, дволични пријатели, изневерување, расправии, семејни проблеми...

Не преземаме ништо освен трошење на нерви што и не е баш најпаметно решение.

Зошто е тоа така?

Бидејќи човекот е суштество кое размислува брзо, но реагира бавно. Наместо тоа денес е денот да ја смените стратегијата во обратен правец.

Размислувајте бавно, реагирајте брзо, но тоа не значи дека ако некој ви се спротистави треба да се препуштите на афектот и да му удрите тупаница, туку значи да броите до десет во стресна ситуација, а ако тоа не помага бројте до бесконечност сè додека не се смирите.

Потоа поставете си го следното прашање - „Дали работата, ситуацијата, личноста за која што се нервирам ќе ми биде важна после неколку години?”

Доколку одговорот е не, заштедете ги нервите, но ако одговорот е да, тогаш потсетете се дека секој проблем има решение, а вашиот не е исклучок.

Опуштете го мозокот, не размислувајте за него и решението само ќе чукне на вашата врата, ете тоа е правилниот начин на реагирање.

Престанете да се нервирате од денес, а наместо тоа реагирајте правилно и бидете среќни, сè ќе се реши на крај, ако не се реши, не е крај!