Се прашувате дали вашите гради се нормални? Еве го одговорот (видео)

На социјалните мрежи и по медиумите можеме да наидеме на безброј фотографии направени за кампањи во кои моделите имаат совршено извајани гради, но тие не треба да бидат репер за нашите.

Жените често се загрижени за својот изглед и имаат тенденција да се проучуваат себеси под лупа, па голема е веројатноста дека барем еднаш во животот ќе ги погледнат и своите гради и ќе се запрашаат околу тоа дали се „нормални“.

Еве неколку факти околу градите:

1. Разлика во големината

Потребно е да знаете дека кај жените сосема нормално е големината на градите да не биде еднаква, односно левата града е секогаш поголема од десната. Истите може да варираат и до пола број внатре во градникот.

2. Влакна

Околу 60% од жените имаат влакна околу брадавиците и почесто се изразени кај жените кој оние кои имаат синдром на полицистични јајници или некоја друга состојба која е поврзана со хормонската нерамнотежа во организмот.

Ако ви пречат скратете ги со ножици, но не ги кубете бидејќи може да дојде до иритација на жлездите.

3. Изглед на брадавиците

Големината на градите нема никаква поврзаност со големината на брадавиците, но заедничко им е тоа што зависат од вкупното масно ткиво во телото. Меѓутоа, воопшто не е чудно ако жена со мали гради има големи брадавици.

Исто така, кај околу 20% од жените се појавуваат и вовлечени брадавици. Простор за грижи нема, освен во случај да истите се вовлекле од неодамна. Тогаш најдобро е да го посетите лекарот.

4. Боја на ореолот

Жените мислат дека светлорозевата боја околу брадавиците е најпожелна и најприфатлива, но истата се разликува од жена до жена и зависи од хормоналниот статус.

5. Стрии

Со оглед на тоа каква кожа имате, може како резултат на наглото растење во пубертет на градите да се појават стрии. Истото важи и при драстичните осцилации во тежината.