Зошто толку мразиме да стануваме рано наутро?

Сите ние добро знаеме дека 8 часа ни се доволни за сон, но додека за некои ова важи како вистина, поголемиот дел од нас, без разлика на тоа кога ќе си легнат да спијат, наутро повторно имаат проблеми да станат.

Зошто ни се случува ова?

Дел од нас дефинитивно полесно стануваат наутро, а другите се ноќни птици, но поголемиот дел од нас, се наоѓаат некаде во средината.

Останува фактот дека само мал дел од нас немаат проблем да станат рано наутро. Истражувањата ни објаснуваат зошто е тоа така.

Истражувачите од Универзитетот во Оксфорд велат дека работните часови не се во согласност со нашиот природен ритам на будност, а тоа води до здравствени проблеми како висок притисок, анксиозност, зголемување на тежината...

Резултатите од истражувањата покажуваат дека децата на возраст помеѓу 8 и 10 години не треба да започнуваат со часови не порано од 8:30. Оние кои се на возраст од 16 до 18 години не порано од 10:00 часот.

За возрасните помеѓу 18 и 55 години најдобро е работниот ден да почнува во 10:00 часот.

Истражувачите, исто така, тврдат дека важно е и колку време поминуваме пред дигиталните уреди, односно дека не треба да ги употребуваме најмалку 1 час пред да легнеме да спиеме, бидејќи истите, влијаат негативно на нашиот сон.

Н. Г. | Црнобело