Причина плус да избегате од рутината: Патувањето целосно го менува мозокот

Добро познато е дека одморот на свеж воздух, надвор од бучавата на метрополата ни го подобрува расположението, нè полни со енергија и ни го враќа еланот, но она што ретко кој го знае е дека патувањето физички го менува нашиот мозок на подобро.

Научниците неодамна открија дека релаксирањето надвор, во дивина или покрај морска вода не само што ни ја враќа позитивната енергија, туку успева и целосно да ни го промени умот.

Причина?

Моментот кога сте обиколени со природа, додека патувате на нови и непознати места, нуди и сосема нови доживувања кои мозокот треба да ги преработи.

Но, истовремено на еден начин и целосно се „гаси“ мозокот, па полесно можете да се препуштите на околината и да се ослободите од негативното расположение.

Ова се потврдило со истражување на неколку испитаници кои имале за задача да се прошетаат 30 минути во шума. Пред прошетката и по неа, им била мерена активноста на предфронталниот кортекс и е откриено, дека истата значително се намалувала по прошетката.

Па, замислете ако само една кратка прошетка од 30 минути успева да го направи тоа, што можат да направат неколку дена поминати на свеж воздух.

Новите искуства и доживувања пак, ја зголемуваат способноста за креативно размислување дури за 50%.

Вреди барем еднаш да избегате од секојдневието и да се релаксирате, нели?

Н. Г. | Црнобело