Спијте како „јагне“

Повремено ве мачи несоница. Се вртите во кревет и не можете да заспиете, а знаете дека следниот ден ве чекаат куп обврски заради кои морате да...

 

...бидете одморени и полни со енергија.

Еве неколку совети како да спиете како “јагне“:

1. Изедначен ритам. Легнете и станете секој ден во исто време. На овој начин му помагате на својот внатрешен часовник да се прилагоди и навикне. Вашиот организам со тек на време ќе знае кога да се подготви за спиење, а кога за будење.

2. Планирајте го внесувањето на храна. Четири часа пред спиење се доволно за да го консумирате вашиот последен оброк. Во тој период ќе има доволно време да се свари храната за да не ве одржува будни.

3. Грижите оставете ги подалеку. Одредете време после кое нема да размислувате за обврските, грижите и проблемите. Опуштете се на начин кој најмногу ви одговара. Најдобро е пред спиење да слушате релаксирачка музика.

4. Свеж воздух. Отворете прозор на кратко пред спиење. Свежиот воздух му е потребен на вашето тело.

5. Оптимална температура. Идеална температура за спиење е 18 степени.

6. Минимализирајте ги спортските активности. Два часа пред спиење избегнувајте спортување. Тука не спаѓа сексот.