Истражување: Колку пораснавме по последниве 100 години?

Едно ново истражување покажува дека денешните луѓе во просек се повисоки од своите предци и дека тоа е благодарение на здравата и квалитетна исхрана и подоброто здравје. Но, тие висини и понатаму се разликуваат од држава во држава.

Авторите на истражувањето откриваат дека луѓето од централна и јужна Европа како и источна Азија се повисоки од пред 100 години.

Мерењата на висините се опфатени од 1896-та година, па се до денес.

Највисоките луѓе живеат во Европа

Најмалку пораснале луѓето од африканското подрачје и јужните делови на Азија. А, во некои земји, луѓето дури и ја задржале висината на своите предци.

Според ова истражување највисоките мажи живеат во Холандија и високи се во просек 182.5cm, а највисоките жени доаѓаат од Латвија и се високи 170cm.

Високите луѓе во животот достигнуваат поголем успех

Ова интересно истражување покажало дека повисоките луѓе во просек се поздрави и живеат подолго, имаат помала шанса да се разболат од некоја срцева болест или болест на белите дробови.

Но, затоа пак, имаат поголеми шанси за рак како на пример, на дебелото црево или дојките и јајниците.

Високите луѓе исто така, во просек имаат предност над пониските во поглед на високото образование и можноста за напредување на работа.

Н. Г. | Црнобело