Храбра девојка сурфа покрај вулкан за време на ерупција

На некои луѓе едноставно никогаш не им се доста од адреналин и возбуда.

Во оваа група слободно може да се вброи и Алисон Тел, која е првата личност на светот што може да се пофали дека сурфала во близина на вулкан кој исфрла лава.

Во соработка со фотографот Перин Џејмс, направиле извонредна фотосесија во непосредна близина на вулканот Килауеа на Хаваите.

Иако Алисон објаснува дека вулканите ја фасцинирале уште како дете, предупредува дека самото сурфање во една ваква средина е навистина ризично и опасно.

„Водата е премногу врела, а гасовите кои вулканот ги испушта се смртоносни, што дополнително го усложнува движењето врз брановите“ – објаснува таа.

Сепак, ако на крајот додадеме дека нејзиниот татко е фотограф за „National Geographic“ може и нема да се зачудите од каде оваа девојка ја наследила желбата за авантура.

• 
• 
• 
• 
• 
• 
• 
•  

М. С. | Црнобело