Зошто треба да простите и на тие кои не заслужуваат?

Како деца сме биле принудени да научиме да простуваме. На пример, кога некое дете ќе ни ја собере играчката, тоа било принудено да се извини, а ние да му простиме.

Како возрасни пак, забораваме на оваа навика и често, кога чекаме некој да ни прости, залудно чекаме.

Но, зошто е важно да се научиме да бараме прошка и да простуваме?

Ни помага да продолжиме понатаму

Ако не простуваме, тоа значи дека ја држиме лутината, дека и понатаму сме фрустрирани и незадоволни. Тоа значи дека чувствуваме болка внатре, а почесто и дека постојано мислиме на настаните кои нè повредиле.

Најнапред, на самите себе треба да си простите

Убедени сме дека простуваме на некој кој нè навредил, но реалноста е дека прошката ни е поважна на нас лично. Не можеме да продолжиме понатаму, ако не престанеме да живееме во минатото и не простиме.

Прошката е за секого

Не само за оние кои се извиниле. Силните луѓе простуваат дури и на оние луѓе кои не заслужиле прошка, бидејќи знаат дека токсичното однесување меѓу двете личности не влијае само на нив, туку на околината пошироко. Тоа понекогаш дури може да нè натера и да престанеме да веруваме во другите.

Да простите, значи да заборавите на минатото

Само тогаш кога ќе простиме се соочуваме со минатото и не дозволуваме да влијае на сегашноста. Кога забораваме на минатото, се ослободуваме од болката која многу ни штети.

Н. Г. | Црнобело