Пристигнуваат јаготките!

Полека се наближува сезоната за уживање во јагодите. Може да ги консумирате на најразлични начини кои се подеднакво вкусни. Најкласичните...

 

...љубители на јаготки се одлучуваат за комбинирање со шеќер, сладолед од ванила или шлаг, а оние похрабрите се одлучуваат и за помалку необична комбинација.

Имено, јагодите освен како десерт, во врвните ресторани се комбинираат и во салатите. Можете да испробате марула со сецкани јаготки.

Исто така, јагодите одлично се комбинираат со сирење посебно со козјо зачинето со луто пиперче.

Искусните готвачи јагодите ги послужуваат со нане, шеќер и слатка павлака.

Како да препознаете свежи јагоди?

Јагодите речиси да немаат калории и се мошне здрави. Според процентот на витамин Ц кој го содржат тие може да му конкурираат на лимонот.

Јагодите се комбинираат со шампањ или пак се мешаат во милк шејк. Во продавница свежите јагоди ќе ги препознаете по мирисот, кратко и зелено дршче со зелени ливчиња.

Не чувајте ги мокри затоа што брзо може да омекнат и да се скапат. Чувајте ги во фрижидер во покриен сад и тоа не подолго од 3 дена.

Се препорачува пред консумирање да ги измиете со вода на собна температура, а дури по миењето да го отстраните зелениот дел.