Што е важно во животот?

Ако сте под стрес, преплавени со работа или учење, веројатно сте преморени и се замарате и нервирате со премногу работи. Иако...

 

...малите работи се оние кои не прават среќни, тие и најмногу ни ја исцрпуваат енергијата, т.е. не ни оставаат простор за она што е навистина важно во животот.

Ова се некои ситници кои можеби ве нервираат во моментов, но за 10 години нема да ви биде воопшто важно како сте ги решиле (а ќе ви го намалат уживањето во моментот).

1. E-mail со експлицитна содржина пратен по грешка на директорот на место на другарот.
2. Колку ви била уредна кујната кога сте ги викнале пријателите на кафе.
3. Кретенот кој ви го упропастил денот на работа.
4. Пропуштен автобус или неспособен возач кој излетал пред вас.
5. Автомобилот кој константно ви се расипува.
6. Пропуштени рокови.
7. Ако не сте добиле работа заради подобар кандидат.
8. Доцнење на работа и колеги кои индиректно ви префрлаат за тоа.
9. Сте паднале на испит еднаш, и пак, и пак, и пак...
10. Беспотребни караници со партнерот/ката (тој не се јавил, таа не се јавила, кој и пратил порака, која му е таа и сл.)

На место на овие глупави нервози сконцентрирајте се на:

1. Поставување на целите кои сакате да ги остварите. И краткорочни и долгорочни.
2. Работа и учење во деловите од денот кога сте најпродуктивни.
3. Да му кажете на партнерот колку го сакате и да уживате во секој момент поминат заедно.
4. Да поминувате време со фамилијата.
5. Да станете порано и да уживате во денот.
6. Да јадете многу овошје и зеленчук.
7. Да одвоите време за патувања.
8. Правете убави работи за личностите кои ги сакате.
9. Време за себе, размислување, уживање.
10. Вежбање на телото.

Има уште многу. Слободно додадете.