Перфекционизмот може да биде добар за вас на три начини

Перфекционизмот најчесто е проследен со негативни ефекти врз вашето физичко и ментално здравје, а во последните години ги зголемува случаите на млади луѓе со депресија.

Но, исто така може да предизвика и покачен крвен притисок, како и поголем ризик за хронични и автоимуни заболувања. Ова се случува затоа што овие луѓе премногу се критикуваат себе, до степен самокритиката да е премногу за нивното тело и ум.

Сепак, постојат три начини на кои перфекционизмот е истовремено и добар за здравјето:

Може да ве направи попристапни и лесно прилагодливи

Во желбата да постигнете што подобри резултати, често се случува да се адаптирате на ситуацијата и да се прилагодувате и размислувате на следниот чекор. Фокусирани сте на позитивен исход, па затоа и перфекционзимот ве учи како да целите кон него, без да ги погазувате своите стандарди.

Покрај стресот и нервозата, ваквата навика ве прави подобри во својот перформанс, потрпеливи, поиздржливи, екстровертни и свесни за промените и околностите.

Ве прави похрабри за постигнување на своите цели

Перфекционистите се подготвени да занемарат сè што им стои на патот, само за да дојдат до саканата цел. Во исто време, тоа што се перфекционисти, ги прави и одговорни, организирани, балансирани и ефективни.

Кога е правилно насочен, ве ослободува од стрес

Сè додека перфекционизмот е насочен кон подобрување на себе, тогаш дури и стресот кој го предизвикува е корисен, а по некое време и целосно исчезнува.

Но, проблемот се јавува кога сакате и луѓето и светот околу вас да се „совршени“, па фрустрацијата преминува во деструктивен стрес.

Запомнете, перфекционизмот ви е наменет лично вас. Само тогаш можете да ги искористите неговите бенефити и да се поштедите од нервозите кога другите околу вас ги игнорираат вашите, според вас, најдобри намери.

Е. Д. | Црнобело