93-годишен маж патува со 3 автобуси за да го посети гробот на сопругата речиси секој ден

93-годишниот Тед вели дека ги памети сите добри работи кои неговата сопруга ги направила, ја посетува 6 дена во седмицата, а организирал и по неговата смрт цвеќиња да пристигнуваат на нејзиниот гроб.

Шест дена во седмицата без разлика на временските услови Тед Ричардсон го посетува гробот на неговата сопруга Флоренс на гробиштата во Хонолулу, Хаваи.

93-годишниот ветеран имал само 16 години кога ја запознал Флоренс. Тоа се случило во 1941 година во нејзиниот роден град во Пенсилванија, кога таа имала 14 години.

Тед кога ја запознал отишол дома и на татко му истата ноќ му кажал дека ја видел девојката со која сака да се ожени, иако не ѝ го знаел ниту името.

Тој служел во маринците и фотографијата од неа ја носел секаде со себе.

„Беше убава и не ми пречеше цело време да зјапам во нејзината фотографија“, вели тој.

По војната тие стапиле во брак, Ричардсон станал учител, а Флоренс се вработила во ФБИ. Остареле заедно, но пред 5 години таа починала.

„Во текот на 72-те години заедно, таа пукна и направи скандал само 2 пати и тоа беше моја вина, па затоа со посетувањето на нејзиниот гроб постојано си го отплаќам долгот. Не ги паметам работите што ги направи погрешно, туку работите што ги направи правилно. Како благодарност ѝ носам цвеќиња“, вели Ричардсон.

Тој речиси секој ден патува со 3 автобуси за да пристигне на гробиштата и потоа обезбедувањето го вози по ридот за да го однесе до нејзиниот гроб, кој го посетил 1.300 пати досега.

„Имам календар и си го обележувам секој де н кога сум бил тука. Господ ќе ми каже кога ќе биде доволно“, вели тој.

Дури и по смртта неговото внимание за Флоренс нема да престане затоа што тој организирал црквата да носи цвеќиња на гробот на Флоренс откако тој ќе почине.

С. С. | Црнобело