Kои се добрите, а кои лошите страни на здодевноста?

Кога деновите ни се се претвораат во континуирана серија стануваме жртва на здодевноста, но здодевноста понекогаш има и добри страни. Може да биде добра за линијата, да ја намали вознемиреноста, да ја подобри меморијата...

Психолозите имаат утврдено дека "зјапање во празо" всушност ја поттикнува креативноста, бидејќи мислите во таквите ситуации се слободни, па е поголема веројатност да дојдеме до генијална идеја.

Критериумите на здодевноста варираат од личност до личност, но забележано е дека мажите почесто се досадуваат од жените, како и луѓето кои често бараат возбуда во животот.

Ова се добрите и лошите страни на здодевноста:

Добра е за линијата

Ако јадеме иста храна неколку пати неделно, вкусот ни е толку познат што немаме желба да го зголемиме количеството. Нутриционистите се согласуваат дека хомогената исхрана доведува до помал внес на калории.

Може да биде тригер за депресија

Здодевноста може да биде тригер за луѓето склони кон депресија.

Опасност за срцето

Луѓето кои се жалат дека им е често здодевно имаат поголем ризик од мозочен или срцев удар, за разлика од луѓето кои се задоволни од нивниот живот.

Научниците претпоставуваат дека причината за ова е фактот што луѓето кои се досадуваат почесто пушат цигари, јадат нездрава храна или пијат алкохол; што со текот на времето доведува до зголемување на телесната тежина.

Ја намалува анксиозноста

Мала здодевност понекогаш не е толку лоша, особено ако сте често под стрес. На сите ни е потребно малку време да се ослободиме од информациите со кои нè бомбардираат од сите страни.

Кога ни е здодевно имаме време да размислуваме за себе, за нашите цели и желби, со што ја намалуваме анксиозноста.

Ја подобрува меморијата

Психолозите на Универзитетот во Плимут спроведоа мал експеримент за време на кој испитаниците слушале ужасно здодевен запис од две и пол минути. Се испостави дека пораката можат попрецизно да ја повторат оние кои јасно кажале дека им е здодевно, за разлика од оние кои се обидувале да го следат записот.

Ашера | Црнобело