3 фрази со кои брзо и лесно ќе ги неутрализирате сите критики

Не постојат совршени луѓе, токму поради тоа луѓето секогаш ќе пронајдат причина да го осудат она што го правите. За жал, никогаш нема да можете целосно да ги избегнете критиките, но можете да научите како да извлечете важни лекции од нив. Со овие 3 фрази ќе можете лесно и брзо да ги неутрализирате сите критики.

Кажете "Да!"

Кога некој ќе ве предизвика, првото нешто што треба да го направите е да ги смирите вашите емоции и да бидете свесни дека секој човек има право на сопствено мислење.

Обидете се да ги погледнете работите од нивна перспектива и да дознаете со што би можеле да се согласите. Лицето кое испраќа критики автоматски очекува отфрлање - тоа е во човечката природа. Кога истата личност ќе ги чуе зборовите "благодарам", наместо очекуваниот отпор, ќе остане збунета во најпозитивна смисла.

Кога ќе кажеме "Да" на одреден приговор, треба да се подготвиме за конструктивен дијалог со личноста од другата страна.

"Но ..."

Некои критики не се совпаѓаат со нашите ставови и разбирања за одредена ситуација. Затоа е исклучително важно отворено да го искажете своето мислење.

 

Треба да се фокусирате на истакнување на објективни информации, наместо да се обидувате да го оправдате вашето мислење. Луѓето се спремни да прифатат многу повеќе, доколку им се понуди објаснување на пристоен и прифатлив начин. Токму ова може да им помогне да ја видат ситуацијата од поинаква перспектива и да го земат предвид вашето размислување.

Зборот "но" ни помага кога треба да земеме став со кој наведуваме дека не се согласуваме со нечие мислење. Дури и кога сме свесни дека другата личност има право да нè критикува, не сме принудени да го прифатиме нивното мислење како единствената вистина.

"Би можеле..."

Кога ќе ја ислушаме критиката и ќе го изразиме нашето мислење, важно е заеднички да одлучиме што треба понатаму да правиме. Треба да се предложат конкретни и конструктивни идеи.

Но негативната критика некогаш може да биде и позитивна, бидејќи ќе научиме во кои области можеме да се подобриме. И уште поважно, овој процес е исклучително корисен во градење на подобрите односи со другите луѓе.

Се разбира, слушање на критики не е лесно. Некои луѓе се навредуваат и на најмалите критики. Колку сме позрели како индивидуи, толку повеќе ќе им дозволиме на другите луѓе да ги изразат нивните мислења.

Сите имаме право да згрешиме и не треба да трошиме толку многу енергија обидувајќи се да ги скриеме или оправдаме нашите грешки.

Ашера | Црнобело