Зошто се вцрвенуваме во лицето кога се срамиме?

Се вцрвенуваме во лицето најчесто кога се срамиме, на пример, кога ќе добиеме убав или неочекуван комплимент или кога ќе ја видиме личноста во која сме тајно вљубени, но зошто се случува ова?

Според мислењата на научниците, црвенилото во образите, или лицето воопшто, е одговор на вниманието на кое сме подложни, некој во поголема, некој во помала мера. Интересен факт за црвенилото е дека, според научните истражувања, жените се повеќе ранливи на црвенилото отколку мажите.

Раскажано стручно, во ситуации кога сме возбудени се ослободува адреналинот, кој го забрзува дишењето и срцето. Потоа доаѓа до ширење на зениците, за мозокот да може да добие повеќе визуелни информации. Дигестивните процеси забавуваат, бидејќи целата енергија се насочува кон мускулите.

Поради адреналинот се шират крвните садови, за подобар проток на кислородот низ телото, како и вените, што предизвикува вцрвенување на лицето.

Ашера | Црнобело