Чудни бон тон правила кои треба да ги знаете ако патувате во различни земји низ светот

Иако постојат општи бон тон правила за културно однесување, во некои земји има дополнителни правила кои треба да ги почитувате за да оставите добар впечаток.

Манирите кажуваат многу за вас, но треба и многу да се потрудите за да оставите културен впечаток во различни земји во светот.

Можеби сте навикнати на некои бон тон правила кои важат кај нас, но во други земји, правилата може да бидат различни.

Во продолжение неколку чудни бон тон правила кои се почитуваат во различни земји:

Русија – Не се ракувајте на врата, туку откако ќе влезете во просторијата

Италија – Мажите влегуваат први во ресторан, за жените да не мора да бараат маса

Италија – Ако на пицата нема пармезан или додаток, не барајте – пармезан на пица е грев во италијанската кујна

Индија – Не јадете со лева рака, бидејќи таму таа рака се користи за бришење во тоалет

Чиле – Не јадете со раце, дури и ако е храна што мислите дека не мора да се јаде со прибор

Кореја – Кога некој повозрасен ќе ви понуди пијалак, културно е да го прифатите со двете раце

Франција – Наместо да се прегрнувате, при поздравување доволно е да се бакнете во образ ако не сте многу блиски

М. М. | Црнобело