Науката тврди: Сосема е во ред да сме сами

Се чини дека доаѓа крај на стигмата дека е подобро да сме во каква и да било врска отколку да сме сингл.

Тоа се должи пред сè на промената на целосниот ментален склоп и традициите, а е поддржано и од социолошките и економските стандарди. Затоа е и сосема во ред луѓето да имаат доволно слобода да одлучат дали со некого ќе останат подолг период од животот или пак, само во следните неколку часа.

Психологија на самотијата

Запознавањето на себе не е секогаш лесна задача. Понекогаш на личноста ѝ е потребно да помине неколку години во самотија, за целосно да се осознае себе и точно да знае што сака понатаму од животот.

Доколку тоа не се случи, можно е да влегува во најразлични врски и меѓучовечки односи и никогаш да не биде сигурна што всушност ја прави среќна и која е нејзината вредност.

Ова не значи дека препорачуваме да останете сингл, туку напротив, дека не треба по секоја цена да бидете во врска со секоја личност во која ќе видите дури и најмал потенцијал за врзување. Запомнете, вие како личност и вашето време, сте вредни и не треба да се „дадете“ лесно на каква било заедница.

Затоа, кога следниот пат ќе бидете цел на осудување поради вашиот избор да бидете сингл, а тоа дефинитивно ќе се случи, не им се лутете на другите. Погледнете ги и проценете дали навистина се среќни со својот избор или морале да го направат затоа што од нив бил очекуван.

Идејата дека да сте сингл сте и неатрактивни веќе е толку старомодна. Вие сте сами поради многу подобра причина, но не сте должни за тоа да давате отчет пред светот.

Е. Д. | Црнобело