Планината Рораима: Лебдечкиот остров обвиткан во мистерија

Планинарење е одличен начин за истражување на природата, вежбање, поминување време со пријатели и… мистериозно искуство?

Планината Рораима се издига над околу 1.300 метри, на местото каде што се спојуваат Бразил, Венецуела и Гајана. Националниот парк Рораима, исто така познат и како „лебдечкиот остров на Венецуела“ е различен од вообичаените планини.

Се работи за оддалечена локација, измешана со мистериозен воздух и домороден фолклор.

Планината го привлече вниманието, не само на рударите кои барале богатство, туку и на познатите автори заинтригирани од недопрените делови на планината.

Сер Артур Конан Дојл, во својот роман „Изгубениот свет“ од 1912 година, го опишува искачувањето на оваа планина.

Древните Индијанци, кои живееле во близина, ја сметале планината за составен дел од светската историја. Според митот, планината е остатокот од големата поплава, а се верува дека секој што ќе се искачи на врвот на планината нема да се врати жив.

До ден денес, домородните луѓе кои живеат во близина на Рораима ја почитуваат оваа голема планина и нејзината историја.

Старите Индијански племиња не биле единствените кои верувале во моќта и мистеријата на планината Рораима. Оваа планина е позната и по честите видувањата на НЛО.

Регионот Гран Сабана е жариште за видувањата на НЛО, па постојат и туристички компании кои им ветуваат на своите клиенти паранормални активности. Ова и не зачудува, бидејќи на многу антички локалитети низ целиот свет постојат вакви тврдења.

Повеќето луѓе кои се качиле на планината зборуваат за своите чудни искуства, било да се работи за чувство или визија. Некои луѓе тврдат дека имале бизарни соништа кои вклучуваат вонземјани.

Дури и некои скептици се убедени во моќта на планината Рораима.

Од својата длабоко вкоренета домородна култура и митови до прекрасната флора и фауна, планината Рораима ги остава своите истражувачи со повеќе прашања отколку одговори.

Ашера | Црнобело