Зошто смеењето, кога не ви е до тоа, може да биде штетно?

„Победи ги негативните чувства со насмевка“, би рекле луѓето околу нас. Но, колку е ова психолошки издржано.

Околината постојано нè става под притисок да се смееме и да бидеме оптимисти, дури и кога навистина не ни е до тоа. Глумењето среќа и насмевка може да ви влезе во навика и да го контролирате како со копче.

Но, тоа е една од најнездравите навики, особено за психолошкото здравје.

Проектирање на емоција која не постои, кога во нас се случува нешто сосема друго, во психологијата е познато како „површинска глума“.

Многу луѓе вложуваат големи напори да останат насмевнати во текот на денот, што кога ќе се вратат дома се целосно исцрпени и склони кон прејадување и други штетни навики.

Некои луѓе тврдат дека тоа што глумат среќа и расположение, особено во работните часови, подоцна ги прави иритирани и непријатни. Но, реалноста е и дека одредени ситуации го бараат токму тоа од нас.

Зошто насмевката толку вреди?

Насмевката, како израз на лицето, оддава чувство на пристапност, пријатност и добро расположение. Луѓето попрво би пристапиле кај продавачот кој е насмевнат и расположен, наместо кај оној кој има неутрален или лут и нервозен израз на лицето. Затоа и се става толку голема цена на насмевките.

Но, исто како и кај вас, така и кај нив, таквата глума предизвикува сериозен емотивен товар. Во тој товар спаѓа и потиснувањето на реалните емоции и нивна замена со некои непостоечки и одглумени.

Самоконтролата е многу поефикасна во вакви ситуации, бидејќи не бара глумење среќа, но и не дозволува емоциите да избијат на површина.

Затоа, кога следниот пат ќе забележите некој кој треба да ви изврши каква и да е услуга, а не се смее, почитувајте го повеќе отколку оној со вештачката насмевка. Тие луѓе се пореални и поблиски до вас.

Е. Д. | Црнобело