5 особини кои не се поврзани со гените

Природно е да мислите дека генот е виновен за вашите предности и недостатоци. 

Но, треба да знаете дека не сите ваши особини се наследни и (за жал) за некои работи не може да се „вадите“ на гените.

Не паметите имиња

Генот не е виновен ниту за тоа што не го паметите датумот на вашата годишнина од брак.

Докажано е дека моќта на вашиот мозок не е фиксирана во биологијата - генетиката има своја улога, но главниот ген одговорен за меморијата допринесува многу малку во однос на таа мозочна функција.

Не сте креативни

Креативноста не е работа на генетиката. Развојот на креативноста зависи најмногу од вашата мотивација и личен интерес, така што голем мит е дека таа се наследува.

Всушност, секој човек со нормални ментални способности може да стане покреативен од тоа што е - треба да има отворен ум, да генерира идеи и да користи разни тактики за решавање на проблемите.

Имате две леви нозе

Едно истражување спроведено на универзитетот во Вашингтон покажало дека луѓето ги оценуваат танчaрите според симетријата на нивните тела (генетска предиспозиција), но не докажува дека постои поврзаност помеѓу ДНК-та и талентот за танцување.

Раните искуства, вашите преференци, можности, навики и тренинг се она што ќе ве направи добри танчaри.

Важите за лош возач

Во обид да се пронајде поврзаноста на одреден ген со умешноста зад воланот и меморијата, научниците велат дека гените не се директно врзани со моторните вештини.

Гените влијаат на расположението на човекот, фокусот и степенот на анксиозност, но многу други клучни фактори се во игра како вежбата и фокусот.

Имате слаба ориентација

Нашето чувство за правец се базира на меморија, а човекот користи два типа меморија за да се движи низ просторот - првиот се базира на паметење објекти, додека вториот на паметење далечина. На пример, прво би се сетиле на бензиската станица, а потоа дека за да стигнете до неа треба да одите уште 100 метри право и да свртите лево.

И двата типа меморија се всушност вештини што може лесно да ги подобрите со вежбање.

A. Ш. | Црнобело