Зошто треба да го смириме нашиот ум и мислите што ни лутаат?

Животот би бил многу попријатен кога би можеле да го стишиме умот. 

Сигурно се имате најдено во ситуации кога мислите постојано ви лутаат, кога немате можност да се фокусирате на она што го сакате, секојпат надевајќи се на нешто подобро или се држите за настаните од минатото како ништо друго да не постои на овој свет.

Ако сакаме да постигнеме повисоко ниво на свесност, прво нешто што треба да направиме е да го смириме умот. Иако можеби изгледа едноставно, мора да бидам искрен, и да кажам дека воопшто не е така како што изгледа.

Првиот чекор е да се ослободиш од сите мисли. Без гајле, ако се најдете во таква состојба нема да станете глупави, туку само ќе дадете можност на вашата вистинска природа да исплови на површина. Тоа е сосема нов свет.

Целиот овој процес е поврзан со медитацијата што ни овозможува да го достигнеме нивото на просветлување.

При овој чин, човекот што побрзо се ослободи од мислите, толку побрзо ќе ѝ даде можност на светлината да се искачи повисоко.

Иако понекогаш ќе успееме да се ослободиме од ројот мисли, по една минута ќе забележиме дека истите повторно сакаат да нè нападнат. Да внесат сомнеж, љубомора, страв во нас.

Негативните мисли се токсични, што сосема можат да разорат нечиј живот. Во тие неизбежни ситуации најдобро е да се фокусираме на нашето дишење и свесно да го следиме секое вдишување и издишување.

Освен тоа, и да допреме до нашето срце со тоа што свеста ќе ја насочиме спрема градите.

Колку и да се пишува на оваа тематика, никогаш нема да се долови целосната смисла. Умот ги негира поставените работи, и само преку лична посветеност може да се видат резултати.

Едно нешто што треба да се знае е дека со нашиот умот ние живееме во свет што самите си го градиме, а кога ќе успееме да навлеземе во нашето подлабоко јас, кога ќе успееме да се искачиме над умот, тогаш ни се отвораат портите каде владее вечен мир, хармонија и единство.

Автор. Х. Е. | Црнобело