Зошто се чувствуваме како да немаме енергија кога се менуваат годишните времиња?

Многумина нема да ја чувствуваат промената на сезоната само по темпратурите, туку и по недостаток на енергија. Се проценува дека секое друго лице во овој период има симптоми на хроничен замор.

Хроничниот замор, меѓу другото, се манифестира со исцрпеност, безволност, замор, главоболка и вртоглавица.

Зошто се случува ова?

Количината на светлина се намалува, деновите стануваат пократки, ноќите подолги, сите доаѓаме од опуштена атмосфера од одмор, назад кон работните обврски и очекувања, од нас самите и од околината.

Симптомите на хроничен замор се четири пати почести кај жените, отколку кај мажите. Тие се, исто така, почести кај оние во четириесеттите години.

Хроничниот замор може да биде неспецифичен симптом на многу состојби, вклучувајќи ги и менталните. Тоа е резултат на хроничен стрес и изложеност на животната средина.

Кога заморот трае подолго од шест месеци и не може да се излечи дури и со одмор, побарајте лекарска помош.

Понекогаш кај хроничниот замор се појавува и несоница. Основните симптоми се пад на енергија, пад на мотивација за работа или нови случувања и предизвици и слично.

Обидете се да го спречите заморот, за почеток, со добар ноќен сон, а потоа,  треба да се откажете од некои лоши животни навики.

Шетајте, релаксирајте се, одморете се после работните денови. Бирајте ја вашата храна. Јадете умерено, но разновидно.

Консумирајте зеленчук, морков, свежа зелка, краставица... Овој зеленчук е богат со минерали кои ќе го ревитализираат вашиот организам.  Она што треба да се избегне се поголеми количини на кофеин, алкохол, брза храна и пекарски производи.

И секако, не ги земајте сите работи „при срце“, не дозволувајте тмурните и ладни денови да ви влијаат на психата, работата е подеднаква иста во секое годишно време, па не ја губете мотивацијата. 

Најдете убавина во секој период и секогаш правете паузи кога ќе почувствувате дека сте се префорсирале со работа. Не дозволувајте менувањето на сезоната да влијае на вашето секојдневие.

Ашера | Црнобело