Големи колички и пријатна музика - Трикови со кои продавниците ве тераат да трошите повеќе

Музика

Истражување од списанието Procedia Economics and Finance покажало дека пријатната музика ги зголемува шансите да останете подолго во продавница и да купите нешто плус.

Неретко во продавниците има музика со бавно темпо, што ве тера да се движите побавно и да се чувствувате порелаксирано. Кога се движите побавно, пак, купувате повеќе работи.

Поставување на млечните производи и јајцата

Најпопуларните продукти во супермаркетите се млечните производи и јајцата. Поради ова, тие секогаш се сместени најдалеку од влезот.

Па кога во продавницата ќе влезете по млеко, ќе мора да поминете сè друго и сигурно ќе купите уште нешто.

Играње со сетилата

Мирисот на храна прави да чувствувате глад и ќе ве натера да купите повеќе храна.

Поради ова, свежите овошје и зеленчук се чуваат во близина на влезот. Комбинацијата од живи бои и пријатен мирис може да резултира со импулсивно купување.

Смалување на просторот помеѓу полиците

Супермаркетите се огромни, но понекогаш нема место да се разминете. Целта на овој распоред е да ве натера да се движитеп обавно и да купите повеќе продукти.

Исто така, и местото на касата е секогаш помало. Во овој случај, дури и да забележите дека сте купиле нешто непотребно, сигурно ќе биде гужва, па нема да одите да го вратите

Спирова С. | Црнобело