Големи колички и пријатна музика - Трикови со кои продавниците ве тераат да трошите повеќе

Не постои личност која не купила нешто импулсивно. Сигурно и вие некогаш сте влегле во продавница само по едно нешто, но сте излегле со неколку ќесиња.

Можеби мислите дека проблемот е во вас, но всушност, продавниците користат многу трикови за да го направите токму тоа.

Од распоредот на продавницата, па сè до музиката во заднина, погледнете ги триковите со кои продавниците ве тераат да трошите повеќе.

Намерно ги збунуваат потрошувачите

Сигурно сте забележале дека продуктите кои најчесто се купуваат заедно, не стојат едни до други. Овој распоред во продавницата ќе ве натера да прошетате низ неа, па најверојатно ќе купите уште нешто.

Според еден извештај, дури 68% од купувачите кои шетале низ продавниците, купиле нешто непланирано.

Цена

Доколку забележите дека цената на некој продукт е 99 денари и слично, најчесто целта е да помислите дека продуктот е поевтин.

Овој феномен е познат како „ефект на лева цифра“ (left-digit effect) и според некои истражувања, функционира одлично.

Поставување на профитабилни продукти

Неретко, скапите и профитабилни продукти во продавницата се поставени на видливи и лесно достапни места.

И ова не е само за возрасни. На пример, детските продукти, како играчки, се поставени на висина на децата.

Сега знаете како вашето дете секогаш забележува нешто што му се допаѓа.

Големина на количките за купување

Едно истражување покажало дека зголемувањето на количките, „ги натерало“ потрошувачите да купуваат 40% повеќе продукти.

Токму поради ова, количките за купување се зголемуваат со текот на времето.

Продолжува на следната страница...