Како изгледа 10 години стар чизбургер од McDonald’s?
10 години стар чизбургер од McDonald’s се чува изложен во хостелот Thykkvibaeru на југот на Исланд. Ова е всушност последниот чизбургер послужен на Исланд, пред популарниот ланец да ги затвори своите ресторани, а илјадници луѓе следат во живо што се случува со него откако е изложен јавно.
Всушност, поинтересно е што НЕ се случува со бургерот, а би требало.
Наизглед неуништливиот сендвич го купил извесен Хјортур Смарасон на 31 октомври 2009 година, токму пред затворањето на McDonald’s за време на финансиската криза. Со тоа Исланд стана единствена западна земја без овој ланец ресторани.
„Го купив последниот оброк заради неговата историска вредност. Освен тоа, имав слушнато дека нивните бургери никогаш не се распаѓаат, па сакав да проверам“ - изјавил Смарасон.
Изгледа има вистина. И бургерот и помфритот и после 10 години изгледаат како да се направени вчера.
Постои и страница на која може во живо да ги следите промените на бургерот кој од гаражата на Смарасон стигна дури и до исландскиот национален музеј.
Е. П. | Црнобело
Би можело да ве интересира:
Препорачуваме
Најчитани неделава
