Најинтересните работи што можете да ги видите на Google Maps (втор дел)

Најголемиот базен во светот

Во Чиле се наоѓа приватното одморалиште San Alfonso del Mar. Одморалиштето е познато по тоа што го има најголемиот базен во светот.

Базенот е долг 1.013 метри, а длабок е 3 метри.

Потонат брод

Во 1981-ва година, бродот Primrose од Хонгконг се движел покрај брегот на островот Северен Сентинел. После неколку денови, морнарите забележале дека локалните Абориџини почнале да подготвуваат бродови и копја. Бидејќи наближувала бура, било невозможно да се спаси екипажот од бродот. Поради ова, морнарите биле спасени со хеликоптери, откако поминала бурата.

Интересно е што племето што живее на овој остров одбива да направи каков било контакт со модерното општество.

Езеро во форма на човек

Во Сао Паоло, Бразил, можете да го видите вештачкото езеро направено во форма на човек. Должината на езерото изнесува 140 метри.

Џинот од Англија

На еден рид во близина на село во Дорсет, Англија, има огромна фигура од маж кој држи палка.

Овој геоглиф е со димензии 55×51 метри, а направен е со ископување на почвата. Потеклото и староста на геоглифот се непознати, но прв пат е спомнат во 18-тиот век.

Симбол направен од дрва

Во близина на градот Флорида во Уругвај се наоѓа чуден симбол направен од дрва.

Според некои извори, дрвата биле посадени пред околу 60 години од локалните фармери. Според други приказни, симболот е приказ на сад кој го содржи еликсирот за вечен живот.

Спирова С. | Црнобело