Зошто некои луѓе не ги сакаат новогодишните и божиќни празници?

Се приближува Божиќ и празничната магија, кога семејството е заедно, сè е тивко и топло и владее мир. Полека ги подготвуваме декорациите и трпезата за најрадосниот ден во календарот.

Сепак, не секој го сфаќа на ист начин, некои дури и не го сакаат Божиќ. Ако сте во оваа група луѓе, не очајувајте, разбираме како се чувствувате, а постојат и специфични причини за тоа.

Понекогаш немаме објаснување зошто не сакаме нешто или некого, едноставно не го сакаме. Божиќ е празник кој евоцира многу убави спомени од детството. Аромите и вкусот на кујните на мама или баба, насмевки и подароци.

Ако не ја делите возбудата со луѓето околу вас и сè ви изгледа пренагласено, ќе ви помогнеме да се справите со емоциите.

Празниците ги гледате како обврска

Кога размислувате за Божиќ, се чувствувате како некој да ве тера да бидете среќни и насмеани. Ќе ви биде полесно да прифатите дека е природно да бидете лошо расположени тој ден, како и секој друг. Нема причина да се преправате. Однесувајте се како и секогаш.

Божиќ ги враќа старите спомени

За некои луѓе, Божиќ е најрадосниот ден, затоа што се опкружени со нивните најблиски, додека другите луѓе се тажни, затоа што ги нема оние што ги сакаат. Покрај тоа, Божиќ не го доживуваме исто во зрелоста, како што го доживувавме во детството.

Ако владее неслога меѓу членовите на семејството или поминувате низ тешкотии, ќе го паметите само тој дел и ќе го преживувате одново за време на празниците.

Се надеваме дека не сте оној кој не го сака Божиќ поради овие причини, но ако тоа е случај, обидете се да се ослободите од минатото и да се релаксирате во сегашноста.

Сакате нешто што не можете да го добиете

Понекогаш сè што ни треба е топлина и љубов што за жал не ја добиваме. Не е сè во подароците и полната трпеза. Многу повеќе може да не задоволи вистинската радост и квалитетни моменти поминати заедно.

Ако наидете на овој проблем, обидете се да се фокусирате на она што го сакате, а не на ситуацијата каква што е.

Ашера | Црнобело