Колку повеќе пријатели - толку полош однос: Колку вистински пријатели можеме да имаме?

За колку пријатели можете да кажете дека ви се, како што честопати слушате, „вистински пријатели“? И, дали тие го мислат истото за вас? 

Едно неодамнешно истражување вели дека шансите да имаме „вистински пријател“ во животот се околу 50 проценти.

Резултатите на овие истражувања покажуваат дека луѓето обично се „лоши во проценувањето кој им е добар пријател“. Колку повеќе пријатели имате, толку е помала веројатноста некој од нив да ве смета за „најдобар пријател“.

Не можеме да имаме идеални односи со сите, тоа е јасно, но зошто се стремиме да имаме многу пријатели? Дали е тоа само потреба од емотивна врска?

Некои психолози веруваат дека со повеќе површни односи се заштитуваме, односно ја намалуваме можноста да бидеме повредени. Со други зборови - ако имаме пет пријатели, ќе бидеме помалку разочарани кога ќе изгубиме еден.

Сепак, имањето премногу пријатели може да предизвика спротивен ефект и да резултира со чувство на осаменост и вознемиреност.

Длабоките врски се важни за нашето здравје

Вистинските пријатели се корисни за нашето ментално здравје и ни помагаат да ги надминеме проблемите, трагедиите или да се справиме со лошото расположение. Оваа поддршка можеме да ја очекуваме само ако остваривме значаен однос со некого и ако даваме онолку колку што добиваме.

Едно истражување открило дека пријателството може да ја намали можноста за заболување од некои болести, како мозочен удар, што честопати се поврзува со вознемиреност и чувство на изолација.

Па, како да знаеме дали нашите пријателства се оние вистинските?

Постојат многу знаци што укажуваат на тоа:

- Се познавате долго време и имате многу заеднички спомени.

- Не мора да се мачите со љубезни разговори.

- Го познавате нивното семејство, како и приватните детали од нивниот живот (и ги чувате за себе).

- Им помагате без очекување дека ќе го сторат истото за вас.

- Си помагате едни на други да станете подобри луѓе.

Ашера | Црнобело