Работи што не треба да ѝ ги кажувате на личност која е под стрес

Не е лесно да се справите со стресот, а кога сме под стрес, најблиските личности со најдобра намера можат да ни кажат работи што ќе направат да се чувствуваме уште полошо.

Kога комуницирате со лице кое е под стрес, треба да се избегнуваат два специфични збора - „треба“ и „зошто“.

Човек под стрес не мора нужно да бара совет. Поточно, психолозите истакнуваат дека лицето кое е под стрес, пред сѐ, сака да биде сослушано, односно да се ослободи од она што го мачи без да добие совет.

Покрај тоа, кога сакаме да помогнеме на некоја личност која е под стрес, честопати претеруваме со советите, поради што личноста се чувствува уште полошо.

Со други зборови, на вашиот пријател не му треба советување кога ќе побара ваша помош. Му треба пријател за да го слуша.

Кога разговарате со личност која е под стрес избегнувајте да го користите зборот „треба“ - треба да направиш/чувствуваш/размислуваш/дејствуваш. Корисењето на оваа наредба кај некој кој е емоционално ранлив не само што е себично, туку овие зборови целосно ги одвраќаат чувствата и мислите на таа личност.

Исто така, кога разговарате со лице кое е под стрес, имајте го предвид следново:

1. Бидете внимателни со прашањето „Зошто?“ -  прашувањето зошто некој се чувствува на одреден начин може да звучи осудувачки.

2. Поставувајте прашања на кои лицето не може да одговори само со да или не.

Запомнете, оваа личност сака да ги преиспита своите чувства, а прашањата на кои може да одговори со „да“ или „не“ не можат многу да ѝ помогнат.

Постојат три важни работи што треба да ги постигнете со овие прашања:

1. Покажете дека активно ја слушате личноста, односно дека внимавате на она што го кажува.

2. Покажете дека доволно се грижите за таа личност и за нејзините проблеми.

3. Едно лице на овој начин може да ги процени, рационализира и вербализира своите (честопати сложени) чувства.

Ашера | Црнобело