Нарачано убиство или несреќа - 23 години од смртта на Дијана, „принцезата на народот“

Денес, 1-ви септември, пред 23 години, принцезата Дијана трагично го загуби нејзиниот живот.

Дијана беше првата сопруга на принцот Чарлс, наследникот на кралицата Елизабета, и иако поминаа две децении од несреќата, нејзиното влијание се чувствува и денес.

На кобната ноќ, Дијана беше во автомобилот со нејзиниот тогаш партнер Доди Ал Фајед, кога автомобилот удрил во еден од столбовите во тунел во Париз. Возачот на автомобилот и Доди загинаа на самото место.

Дијана почина четири часа подоцна, во болница, а единствениот преживеан од несреќата е телохранителот Тревор Рис Џонс.

Според Џонс, веднаш после несреќата, Дијана речиси изгубила свест, но тивко го кажувала името на Доди.

Несреќата се случила околу полноќ, а до 1 часот наутро принцот Чарлс и кралицата Елизабета го слушнале вестите. Но, им кажале дека на Дијана само ѝ е скршена раката.

Околу 3:30 часот, Чарлс и Елизабета дознале дека Дијана починала на операционата маса. Тогаш кралицата го убедила Чарлс да не ги соопштат вестите сè до утрото.

Кога се случила несреќата, Чарлс и Елизабета биле во Шкотска, заедно со Вилијам и Хари. Принцот, заедно со сестрите на Дијана, отишол со приватен авион да го земе телото на принцезата, а Елизабета и Филип не сакале да се вратат во Лондон. Наводно, сакале да ги заштитат Хари и Вилијам пред да мораат се соочат со јавноста за време на погребот.

Целиот свет беше шокиран, а многумина почнаа да ја обвинуваат Елизабета за смртта на Дијана. Со денови Англичаните не слушнаа ништо од Бакингемската палата и се верува дека тој период, популарноста на Елизабета опаднала најмногу во нејзината кариера. Поради притисокот, Елизабета, на крај, морала да се огласи за смртта на принцезата.

Погребот се одржа на 6-ти септември и целиот настан траеше повеќе од 5 часа. Дури 3 милиони луѓе излегоа на улиците во Лондон, а телевизискиот пренос од погребот го следеа можеби 3 милијарди луѓе.

На денот на погребот, кралицата се поклони пред ковчегот на Дијана, и тоа неколкупати, а никој од кралското семејство не одржа говор.

Дијана е погребана на мал остров, на имотот на нејзиниот татко, познат како Althorp.

Јавноста до денес верува дека смртта на принцезата е обвиена со многу мистерии, а теориите на заговор не стивнуваат и денес.

Повеќе за нив на следната страница...