Небесна магија: Најдобрите астрономски фотографии за 2020-та

И оваа година се одржа најголемиот натпревар за вселенски фотографии, познат како Astronomy photographer of the Year, а победниците нема да ве остават рамнодушни со своите дела.

Фотографите од 70 држави ширум светот се натпреваруваа во неколку категории, а во септември беа објавени победниците преку онлајн церемонија. Натпреварот е поддржан од Кралската опсерваторија во Гринич, Англија, а годинава биле пријавени над 5.000 фотографии.

Главната награда изнесува 10.000 фунти, а главниот победник на натпреварот е Николас Лефаду, со неверојатна фотографија од галаксијата Андромеда.

„За повеќето нас, нашата соседна галаксија Андромеда се чини многу далечна. Да направите фотографија што ве тера да помислите дека ви е на дофат е навистина волшебно“, изјавил еден од судиите на натпреварот во врска со фотографијата на Николас.

Францускиот фотограф дури употребил и 3Д принтер за да направи држач за неговиот фотоапарат за да може да ја „улови“ галаксијата од посакуваниот агол.

Сигурно, без зборови ќе ве остават и победниците во секоја од категориите:

Аурора: Николас Роемелт од Германија

Најдобар нов учесник: Бен Тот од Унгарија

Нашата Месечина: Ален Паилу од Франција

Нашето Сонце: Александра Харт од Велика Британија

Продолжува на следната страница...