Како да избегнете шумски пожар и уште 6 совети што ќе ви се најдат во опасни ситуации

Кога ќе се најдете во опасна ситуација, како шумски пожар или голема поплава, она што ќе го направите во првите неколку минути скоро секогаш е клучно за вашата безбедност.

Обично во ваквите ситуации секој човек е изложен на многу стрес, па рационалното размислување може да биде проблем, но ова неретко е причина за грешки кои, за жал, можат да чинат и живот.

Иако можеби никогаш нема да се најдете во некоја од следниве ситуации, не губите ништо ако научите што треба да направите во тие моменти:

Поплава

За среќа, кај нас не се случуваат огромни поплави каде што нивото на вода може да достигне и неколку метри, но добро би било да знаете што треба да правите во случај да се најдете на такво место.

Сигурно вашиот инстинкт ви кажува дека во ваква ситуација најдобро е да се качите на високо место. Ова е точно, но немојте да се качува на дрвја – ако струјата на водата е многу силна, дрвјата можат да се искорнат. Ако не можете да ѝ избегате на поплавата, најдобро е да се качите на покрив од некоја куќа и таму да чекате тим за спасување. Исто така, добро би било да се обидете да го привлечете вниманието на спасувачкиот тим со светло (блицот од вашиот телефон) и парче облека или каква било ткаенина со дречлива боја.

Силна бура со грмотевици

За да избегнете вакви ситуации, секогаш добро проверувајте ја временската прогноза пред да одите во природа. Ако сепак се соочите со силна бура, обидете се да најдете засолниште во затворен простор, како колиба. Доколку во близина нема никакво засолниште, а се наоѓате на рид, веднаш спуштете се на пониско ниво. Истовремено, немојте да се засолнувате под осамено дрво бидејќи постои голема шанса да го удри гром. Можете да се засолните на ниско место со грмушки, но тогаш немојте да легнувате на земјата. Наместо тоа, соберете ги рацете и нозете и стуткајте се што е можно повеќе.

Ако сте во група, најдобро е да држите растојание од неколку метра помеѓу вас. На овој начин ќе се намали бројот на повредени во случај громот да удри во земјата.

Изгореници

Иако можеби досега сте слушнале дека е добро на изгорениците да ставите масло, маргарин или нешто слично, никако немојте да го правите ова. Не постои никаков доказ дека овие „лекови“ ќе ви помогнат. Напротив, можат да ја влошат изгореницата – маслото, путерот или маргаринот ќе ја задржат топлината на изгореницата, а можат и да содржат бактерии кои ќе предизвикаат инфекција.

Кога ќе се изгорите, најпрво ставете ја изгореницата под млаз студена вода и држете ја 20-тина минути. Потоа можете да ставите облога од чиста газа натопена со студена вода, и менувајте ја на секои 15-тина минути. Немојте да ставате мраз на изгореницата, бидејќи можете дополнително да ја иритирате.

Овие совети се добри за помали изгореници, во спротивно веднаш одете на лекар.

Продолжува на следната страница...