Како да избегнете шумски пожар и уште 6 совети што ќе ви се најдат во опасни ситуации

Шумски пожар

Ако се најдете среде шумски пожар, најпрво одредете ја насоката на ветерот – обично огнот ќе се движи во истата насока. Кога ќе бегате, почнете да трчате сечејќи ја насоката на ветерот, а не спротивно или во истата насока. Потоа размислете дали во близина има поток, езеро или некаков резервоар со вода, па упатете се таму и намокрете ја целата ваша облека, како и вашата коса.

Ако не можете да го избегнете пожарот и во близина нема вода, направете дупка во земјата и покријте се со влажна почва. Доколку сте во можност, искористете го телефонот да повикате помош.

Во целата ситуација, имајте на ум дека чадот од огнот штетен, па покријте ги носот и устата со парче облека.

Губење во шума или природа

Ако се изгубите во шума или каде било во природа, најважно е прво да се смирите и да не паничите, па добро да размислите што можете да направите. Секојпат кога одите во природа добро би било да се осигурате дека батеријата на телефонот ви е полна, за да можете да повикате помош во секое време.

Ако не можете да повикате помош, обрнете внимание на вашето опкружување. Ако, на пример, во близина има река, можете да ја следите неа – голема е веројатноста дека ќе налетате на селце или нешто слично во нејзина близина. Исто така обрнете внимание дали во близина има некакво патче. Ова патче најверојатно ќе води до некое село или барем некоја колиба.

Обрнете внимание и на далноводите и ако немате друг избор, следете ги нив и сигурно ќе стигнете до некое населено место.

Средба со змија

Имајте на ум дека змиите напаѓаат кога се исплашени и кога се чувствуваат загрозено. Па, ако здогледате змија која сè уште не ве забележала, внимателно оддалечете се без да ја вознемирувате.

Ако змијата ве забележала и зазема положба за напад, никако немојте да правите нагли движења. Наместо тоа, почнете постепено да се оддалечувате, одејќи наназад со што е можно помалку движења.

Убод од пчела, оса или стршлен

Убодот од овие инсекти не е воопшто пријатен, но ако се најдете во ваква ситуација, обидете се да останете смирени. Додека пчелата ќе ве убоде само еднаш, ако станува збор за стршлен или оса можете да бидете нападнати неколкупати, па добро би било веднаш да се тргнете од тоа место.

Ако на кожата ви остане боцката од инсектот обидете се да ја отстраните со нежно гребење со ноктот. Немојте да се обидувате да ја отстраните со пинцета бидејќи можете да ја влошите ситуацијата.

Потоа измијте го убоденото место со сапун и вода, па ставете ладна облога за да го намалите отокот и веднаш упатете се во болница. Ако забележите отоци на други места, како вашето лице, првото нешто што треба да го направите е да одите на лекар, бидејќи веројатно станува збор за алергиска реакција.

Спирова С. | Црнобело