„Имам 195 сантиметри, маж ми е многу понизок од мене и луѓето зјапаат во нас на улица“
„Колку сакаат нека зјапаат во нас. Тој сака кога ќе облечам високи потпетици и горд е што јас сум негова сопруга“, вели Анастасија за својот 13 сантиметри понизок партнер.
Анастасија Паршентшева потекнува од Казахстан, а живее во Москва, Русија. Таа е впечатлива поради висината од 195 сантиметри. Вели дека луѓето постојано зјапаат во неа по улиците, а многумина ја нарекуваат и жирафа.
30-годишната манекенка е многу повисока од останатите жени каде и да се појави.
„Отсекогаш бев многу висока и секогаш бев меѓу највисоките и во училиште и на факултет. Луѓето ме исмејуваа често и тоа ме вознемируваше. Сакав да ја сокријам својата висина и никогаш не облекував високи потпетици. Но, сега одам со високо крената глава и горда сум на себе и својот изглед. Токму висината ми помогна да се истакнам кога почнав кариера на модел.
Стоејќи до исто така високи жени сфатив дека ние сме уникатни и дека висината ни е дар од природата. Конечно се вљубив во себе и во својата униактност, а особено ги обожавам моите долги нозе.“
Пред две години Анастасија го запознала својот сегашен сопруг Сергеј преку Инстаграм и по кратка и бурна романса се спакувала и се преселила во Русија.
Сергеј е висок 182 сантиметри и тоа е одлична висина за маж, но од својата сакана е доста понизок, па затоа луѓето постојано зјапаат во нив кога се движат по улиците.
Анастасија вели: „На почетокот на двајцата ни беше неудобно затоа што разликата во висина беше необична, но по извесен период престанавме да обрнуваме внимание на тоа. Не ни пречи, се сакаме и да не бев толку висока можеби немаше воопшто да ме забележи и да бидеме заедно. Не ни е грижа што мислат луѓето. Колку сакаат нека зјапаат во нас. Тој сака кога ќе облечам високи потпетици и горд е што јас сум негова сопруга“.
Повеќе фотки од Анастасија:
С. С. | Црнобело
Би можело да ве интересира:
Препорачуваме
Најчитани неделава
